Maiteren txokoa

Juan Kruz Igerabideren liburu hau irakurtzen ari naiz egun hauetan, oso gomendagarria…Juantxoren istorioa irakurtzen ari zaren bitartean bizitzaren zentzua eta antzeko ideien inguruko hausnarketa bideak irekitzen ditu. Gai hauetan interesa duenarentzat apartekoak, ez duenarentzat, narrazioan zehar egiten diren kit kat modukoak. Niri horrelakoak esaldiak azpimarratzera bultzatzen nautenez, pasarte dezente dauzkat jada bereiziak, ohean etzanda arkatzez eginak izanik, txukuntasunaren eredu ez diren arren…

"Esan ohi zuen txokolatea bezalakoa dela bizitza; baduela alde bat garratza, eta baduela alde bat eztia; ondo dastatzen ikasiz gero, zoragarria dela"

 Esaldi sinplea dirudi aurreko honek baina zein ongi definitzen duen bizitza, ezta? minutu askotako elkarrizketa irekiko lukeena, dudarik gabe…

Hurrengoan beste pasarteren bat agertuko dut, benetan pena merezi baitute!

Ondo izan! 

25 urte eginak ditugu eta zahatzen ari omen gara…hori egia da, baina oraindik ere gazte sentitzen gara, bai noski! Eta horren adibide garbia, orain arte bizitzan gutxitan egin dudana…astebukaera honetan, ostiral eta larunbata Txanelaraino iristea! jajajajaj Gehiago esango dut…uste dut lehen aldia dela bi egunetan segidan "antro" horretan bukatzen dudala parranda. Atzokoa egia esan, bueltaxka izan zen, hizketan batetik bestera ibili ginen eta konturatzerako tabernak itxi zituzten! hau da hau denborak hegan egitea!!!!

Horrelakoak ez dira gehiegitan egiteko bestela gorputzak xisko eginda amaituko luke, nire kasuan behintzat…baina beno, tartean tartean…

Zubia bukatzear dagoela eta hausnarketa egiteko ordua ere iritsi da…zenbat denbora egon garen egun hauei itxaroten, eta zein azkar pasatzen diren! Hala ere, balantze positiboa egin beharra daukat, denetik egiteko aukera izan baitut eguraldiak bere aurpegi desatsegina erakutsi badigu ere.

Lehenengo helburua lo egitea zen, niretzat plazer bat da orduak ohean ematea eta tarteka horrelako egunak eskertzen ditut, bai horitxe!   Bazkaritarako jaiki eta gero siesta egitea, hori bai luxua! Logura izateko arrazoiak ere baneuzkan, hori ere egia da…parrandatxoren bat egiteko tartea izan dudanaren seinale, dudarik gabe, jajajaj…Abenduak 6a batzuentzat Konstituzio Eguna da eta besteontzat San Nikolas eguna…eta nola ez, Oriotik bueltaska eman behar, konpromiso soilagatik bada ere (disimulatua geratu da ezta??)

Aurreko Post batean adierazi nuen bezala Durangoko Azokako zitara ezin nuen huts egin eta bakarrik bazen ere erabakia neukan tarte bat horretarako hartzea. Azkenean Oihanaren konpainian joan etorria egin genuen eta poltsa batzuk ekarri nituen beteak, hau da hau tentazio pila! autokontrol entrenamendu bikaina izan zen! Giroa bikaina, hori ere ezin esan gabe utzi…

Kuadrilako zenbaitekin ere ordu batzuk eman ditut, sozidadean egin baikenuen afaritxoa, entretenitua izan zen hura ere, nahiz eta nekearen eraginez, goiz erretiratu nintzen (nekearen arrazoia airean geratzen da…jajajaj)

Eta XL astebukaera amaitzeko futbol partiduen jarraipena…errealeko mutilek Bartzelonaren aurka galdu bazuten ere, neskek irabazi egin dute gaur goizean eta han izan naiz, partidu bikaina jarraitzen: lehenengo gola gainera dedikatu egin digu Laurak!!! 

Diskurtso luzen honen ondorioa: eguraldi txarrari aurpegi ona jarriz gero, neguan ere badaude planak!! 

Ondo bizi!!!!!!!!! 

Ezer ez omen da sentimendua bezain ahaltsu eta sentimendua bezain suntsitzaile…Eta hori adierazteko bada ekialdeko esaera bat: "Ilargiaren argia baino indartsuagoa eguzkiarena da; eguzkiaren argia baino indartsuagoa adimenarena; adimenaren argia baino indartsuagoa bihotzarena"

Zer pentsatua ematen du ezta? Jakingo bezenute nondik atera dudan esaldia…nire lanean etengabe egiten dut horrelako perlekin topo, izan ere, ikasleekin emozioak lantzeko material artean asko eta asko daude. Horrela, ikasleentzat ez ezik hezitzaileontzat ere oso erabilgarri suertatzen dira.