Sagardotegia
Azken urteetan zita garrantzitsua da niretzat garai honetan…Sagardotegietako giroa berezia da, nahiz eta hotzean pentsatzen jarrita, jaten dena kantitatez normalki gutxi den eta ordaintzen dena asko…Zarauzko malekoian kafea hartzerakoan gertatzen denaren parekoa da hemengoa: tokia bera ordaintzen da, giroa ordaintzen da.
Orain arte gure kuadrilan jende gutxi animatzen ginen zita honetara baina aurtengoa ezberdina izan da. Autobusa antolatu eta eskursioa montatu genuen eta horrek xarma berezia ematen dio planari, dudarik gabe. Larunbatean hurrengo asteetan askotan ahotan izango ditugun abenturak bizi izan genituen, gehiago hitz egingo ez dugun jendearekin egon ginen (ez nituzke ezagutuko orain…) eta ederki pasa genuen, bai horixe!! Eta guk bezala beste askok! Euskaldunok dugun ohitura erakargarri bat gehiago da hau eta nik betetzeko asmoa dut, aukera dudan bakoitzean.
