Maiteren txokoa

Kurisoa da blogen mundu hau nola ari den hazten eta zein abiaduratan gainera!! nire inguruan ere gero eta jende gehiagok dauka bere txoko propio interneten. Estiloak nahi adina eta gaiak ere hamaika dira espazio orijinal hauetan. Nik hasiera batean nire egunerokotasunean atentzioa deitzen zidaten gertakizunak biltzeko tresnatzat hartu nuen txokoa baina azkenean gertakizunak baino, topatzen ditudan esaldi, gai, kontakizun ezberdinetatik abiaturiko hausnarketak egiteko erabiltzen dut gehiago. Nire bizitzan, azken batean, ez daukat hemen idazteko adina pisu duen bizipen multzoa (laneko gaiak ez baitute kontatzen), baina egia da niretzat oso aberasgarriak diren gaiez inguraturik nagoela…niretzat aberatsagoak dira astegunak astebukaerak baino, zentzu honetan…astebukaerak gehiago baitira parentesiak.

Blogen mundu honetan beraz, nik badut nire txokoa eta aurkitzen ditudan perlak biltzen joateko erabiliko dut. Hori bai, tarteka, denbora librean bizi izandako gertakari interesgarriak ere tartekatzea ongi dator, errekreo modura!! 

Bizitza honetan askotan erabaki garrantzitsuak hartu beharrean aurkitzen gara, edo gai konkretu baten inguruan posizionatu beharrean. Gure printzipioak jarraitzeagatik, gehiengoaren norantza ez jarraitzea erabaki ohi dugu sarritan…baina beste askotan ez…beste hainbat eta hainbatetan pasibotasunak gure gorputza hartu eta blokeatu egiten gaitu, benetan egingo genukeen hori alde batera utziz, edo gustura oihukatuko genukeena ahopean utziz.

 Jarrera hauen isla da ondoko paragrafotxo hau, ikasleekin autoestima lantzean detaile bezala erabil daitekeena.

"No tengas miedo a asumir el riesgo y a creer.
Sal de las gradas, baja al campo de juego y vive.
Sal del escondrijo y así los demás te podremos ver."

A. Passimodo

Bizitza baliotsuegia da pasibotasunean murgildurik egoteko!! 

Denbora luzean txoko hau nahiko abandonatua izan dut…lanez lepo egoteak horrelakoetarako gogoa agortu dit. Baina, azkenean iritsi da 15 egunetako lasaitasuna eta hemen idatzi, irakurri eta beste gai batzuetan zentratzeko aukerari helduko diot aste betez, eta beste egunetan parrandatxoren bat eroriko da eta mendira ihesaldiren bat ere bai. Oporraldiko azken egunean plaierotako azken partidua jolastuko dugu…eta ordurako ondo lo egitea espero dut, goizeko 8terdietan baita jardunaldia!!

Aste Santuetan oporraldiak oso ezberdinak dira lanbidearen arabera eta nireak aukera zabala eskaintzen dit, eta nik aprobetxatzea pentsatzen dut, dudan zorteaz kontziente bainaiz!