Maiteren txokoa

Ia oharkabean 2007a badoa ttirriki-ttarraka, gelditu gabe aurrera eta azken hilabeteetan sartu da. Azken egunetan kazetariak ez dira ados jarri udazkenaren sarrera noiz izango zen zehazteko orduan…baina beno, badirudi sartu garela, jajaja

 Eguraldia misterio bat izaten da garai honetan eta pasa dugun uda eskasaren ondoren (beti ere eguraldiaz ari naiz…), tenperatura hotzek epeltasun apur bati tokia uzten badiote hobe…horrelako udazkenak gustatzen zaizkit niri, oporraldietatik neguko elur girora zubi egiten dutena. Udazkenaren gogorrena niretzat kurtso hasierarekin bat egiten duela da…horrek sorrarazten dizkidan burukominengatik, oraindik gauzak airean izateak tentsioa eragiten baitit. Hala ere, ziur pare bat astetan dena finkatuko dela beraz, ez da grabea eta hemendik urte bukaera artekoa planifikaturik utziko dut (gutxi gora behera, dena ezin baita %100ean itxita utzi!).

Psikologikoki askorentzat udazkena iraila hasieran hasten da baina niretzat ez…astebukaera honetan, ez dakit zein egunetan eta zein ordutan, hasi da eta ea ongi portatzen den

Gure herria duen hondartzagatik da ezaguna neurri handi batean eta orain dela urte batzuk, irailean ospatzen zen nazioarteko surf txapelketak ere jende asko erakartzen zuen. Gero, zenbait urtetan hutsune bat egon da baina aurten surfzale eta gainontzeko herritarrak, txapelketaren berretorrerari so geunden. Itsasoarekin ordea, ezin da ezer ziurtzat eman eta dena perfekzio osoz antolatuta ere, itsasoak bere martxa darama eta ezin da bermatu olatuak ere perfektuak izango direnik. Gaur malekoian paseatzea atsegina izan da jende pilaketa desagertu delako eta giro bikaina zegoelako baina desertu txikira hurbiltzean, pena pixka bat eman didate gogotsu antolatzen ibili diren horiek. Itsasoa ez da lagun izan gaurkoan eta goizean hastekoa bazen ere, bihar arte atzeratu behar izan da txapelketaren hasiera.

Ni ez naiz surfzalea kontsideratzen, inondik ere, nahiz eta inguruan olatuei begira-begira dabiltzan ugari izan, nik ez dut gehiegi ulertzen gai horretaz (eta bai…zarauztar petoa naiz, jajaja). Hala ere, astebukaeran buelta bat eman beharko da montaje guztia ikusi eta hango giroarekin disfrutatzeko. Txapelketa garrantzitsua omen da eta ezingo da aukera hori galdu…

Gure herrian hondartza eta surfa baino gauza askoz gehiago baldin badago ere, astebukaeran protagonismoa eskaini beharko diogu, txakolinaren baimenarekin, kirol "pijoari".