Azaroak 25
Iaztik beste modu batetara bizi dut egun hau…lehen egunkarietan edo telebistan ikusten nuen bazela emakumeen tratu txarren kontrako egun bat baina egia esan, hor geratzen zen…iaz, nire lanpostu berriak egun hau beste modu batetara bizitzera bultzatu ninduen, gure ikastetxean ekintza ezberdinak antolatzea tokatu baizitzaidan. Aurten egoera berberean nago: aurreko astean ipuin kontalari baten bitartez gazteenei mezu egokiak zabaltzen saiatu ginen eta aste honetan ere ekintza ezberdinak eramango dira aurrera.
Beste askotan bezala zera pentsatzen dut, ze tristea horrelako gauza bat salatzeko egun baten beharra izatea. Hain aurreratuak gauden mende honetan, oraindik ere horrelako jokabide primitiboak ditugu edonon, askotan urruneko gertakariak direla uste badugu ere, gure inguruan ere emakumen asko eta asko, gehiegi, ari baitira sufritzen. "URTE OSOKO ARAZOA, EGUN BATEKO SALAKETA" dio larunbateko Urola Kostako Hitzaren azalean. Egunkarietan artikulu ugari aurki daitezke egunotan, Gara egunkarikoa, jarraian estekaren bitartez ikusi daitekeena, horren adibide da.
http://www.gara.net/idatzia/20061125/art190644.php
Noiz arte ospatu beharko ote dugu egun hau? Guk, bien bitartean, egiteko garrantzitsua dugu ikastetxeetan, etorkizuneko heldu talde baliotsu bat hezi beharra baitaukagu, ea egungo gizarte hau eraldatzeko gai diren, hobera beti ere…
