Kros misto famatua
Urteak dira jada gure herrian, abendu iristearekin bat, lasterketa herrikoi berezi hau antolatzen dutela atletismo sailekoek. Urtean urtean bikote gehiago animatzen dira parte hartzera eta aurten 525 izan dira. Honek badu bere garrantzia estatiska zaleentzat, izan ere, ea non topatzen dugun gizonezko adina emakumek parte hartzen duen lasterketa bat eta are gehiago, ea zein lasterketa herrikoietan ikus daitekeen 525 emakume korrika. Pixkanaka pixkanaka jendea animatuz doa eta batzuk Behobia-Donostia izaten dute helburu eta horretarako prestatzen dira hilabetetan, beste batzuk ordea, Kros mistoa egiteko entrenatzen dute…horrela dira gauzak, bakoitzak aurkitu behar du bere neurria eta ia 9 km-ko distantzia izanik, ez da txantxa!
Ni kirolzalez gain, neurri batean kirolari sentitzen banaiz ere, korrika egitea ez da nire lehentasunetan sartzen baina gustura asko parte hartzen dut ikusle gisa 
Aurten ezin izan du parte hartu baina, herrian badaukagu urteetan parte hartu duen korrikalari famatua, Iratxe Aranburu, hain zuzen ere. Berari Argia aldizkarian egindako elkarrizketa batean gai honi buruz hitz egiten du berak: http://www.argia.com/argia-astekaria/2090/emakumea-hasi-da-kirola-egiten-baina-ez-dakit-modu-egokienean/osoa
