futbolaren magia
Kontziente naiz gaur egun futbola negozioa dela batez ere, eta jokalari batzuk erregeen pare bizi direla eta hori dena oso injustua dela…eta erabat ados nago. Baina futbolaren esentzia gaur egungo festa mediatiko horretatik kanpo geratzen da benetan bizi dugunontzat, hau da, talde baten jarraitzaile izateak sorrarazten dizkizun sentimenduak zirko guztitik aparte daude.
Nik garbi daukat nire taldea Zarautz dela, eta ondoren erreala. Horregatik, talde hauen ibilbidea negatiboa izateak umorean eragin zuzena izan ohi du eta hori bizi ez duenak harriturik esaten du ea eroturik gauden…futbola bakarrik dela!! eta ziuraski egia da…baina gizakia horrelakoa da…jajajaj
Honekin guztiarekin atzoko errealaren partidura iritsi nahi dut…amaierarako bost minutu falta zirela lehen mailako taldea ginela behin eta berriz errepikatzen zuten telebistan baina esperientzia positibo edo alai gutxi izan ditugu azken aldian, eta hori dela eta, konfiantza gutxi neukan, edo beldur gehiegi…eta jokalariei ere antzeko zerbait gertatu zitzaiela uste dut, galdu zuten bezala galtzeak ez baitauka beste azalpenik!!! kontua da, bost minututan emozio saltsa ederra bizi izan genuela jarraitzaileok eta orain aste honetan burua beste mila istoriotan izanda ere, datorren astebukaeran tentsioz bizi beharko dugu azken partidua.
Eta honek ez dauka zerikusirik futbola negozio izatearekin, ez da futbolariak izar gisa ikustearen ondorio…futbola bizi dugunok horrela sentitzen dugu eta hori da azalpen bakarra.
