Maiteren txokoa

A ze jende pila zegoena igandean Behobia eta Donostia lotzen dituen bidean! izan ere, urtero urtero ikuskizun polita egoten da bertan. Nik egia esan, nahiago dut Bulevar inguruan korrikalariak iristen ikusi eta ze meritu duten onartzea nahiz eta milaka eta milaka pertsonak parte hartu karreran, ez baita ahuntzaren gauerdiko eztula 20 kilometro korrika aritzea, aldapa gorak barne"!

Horrelako festak iluntzeko ere beti izaten da ordea jendea, eta horixe bera egin dute El Mundo egunkariko bi kazetarik. Igandean karreran parte hartu ondoren, aurriritziz betetako ondorio propioak atera eta atzoko edizioan argitaratu zuten, inongo lotsarik gabe! Egia esan irakurri dudanean barruan sua piztu zait…horrelakoak entzuten jarraitu beharra ere…noiz arte iraungo du errespetu falta horrek!

http://www.elmundo.es/elmundodeporte/2007/11/12/masdeporte/1194894300.html

Hortxe dago artikulurako lotura. Begirada bat botatzera gonbidatzen zaituztet, errealitatea ezagutzeko…eskerrak oraindik ere konbentzituta nagoen gutxiengoaren iritzia dena…edo nahiago du hori pentsatu!

 Justizia eta Pakea izenpean iristen zait hilabetekaria nire helbide elektronikora. Aitortu behar dut askotan, perezaren ondorioz, kasu gehiegi egin gabe borratzen ditudala baina oraingo honetan ez…oso poesia ederra bidali digute eta pena merezi du denbora tartea eskaintzea, ongi aztertzeko. Bitoriano Gandiagaren hitz hauek urte hasiera honetan esanahi berezia daukate gure herriaren kasuan, hitzetan bakarrik geratuko ote da?

                                    Ez da nahikoa zure bakea

ez da nahikoa nirea.

Ez da nahikoa nire bakea

ez da nahikoa zurea.

Elkar ditzagun geure bakeok

banan ditugun bakeak,

elkar ditzagun partidu eta

siglen arteko aleak,

merezi du-ta bake guztiez

bake-ore bat ontzeak,

bake-ore ta bake bereko

ogi beretik jateak,

bakeen bakeaz ase ditzagun

bake egarri-goseak.

 Bittoriano Gandiaga

Zubia bukatzear dagoela eta hausnarketa egiteko ordua ere iritsi da…zenbat denbora egon garen egun hauei itxaroten, eta zein azkar pasatzen diren! Hala ere, balantze positiboa egin beharra daukat, denetik egiteko aukera izan baitut eguraldiak bere aurpegi desatsegina erakutsi badigu ere.

Lehenengo helburua lo egitea zen, niretzat plazer bat da orduak ohean ematea eta tarteka horrelako egunak eskertzen ditut, bai horitxe!   Bazkaritarako jaiki eta gero siesta egitea, hori bai luxua! Logura izateko arrazoiak ere baneuzkan, hori ere egia da…parrandatxoren bat egiteko tartea izan dudanaren seinale, dudarik gabe, jajajaj…Abenduak 6a batzuentzat Konstituzio Eguna da eta besteontzat San Nikolas eguna…eta nola ez, Oriotik bueltaska eman behar, konpromiso soilagatik bada ere (disimulatua geratu da ezta??)

Aurreko Post batean adierazi nuen bezala Durangoko Azokako zitara ezin nuen huts egin eta bakarrik bazen ere erabakia neukan tarte bat horretarako hartzea. Azkenean Oihanaren konpainian joan etorria egin genuen eta poltsa batzuk ekarri nituen beteak, hau da hau tentazio pila! autokontrol entrenamendu bikaina izan zen! Giroa bikaina, hori ere ezin esan gabe utzi…

Kuadrilako zenbaitekin ere ordu batzuk eman ditut, sozidadean egin baikenuen afaritxoa, entretenitua izan zen hura ere, nahiz eta nekearen eraginez, goiz erretiratu nintzen (nekearen arrazoia airean geratzen da…jajajaj)

Eta XL astebukaera amaitzeko futbol partiduen jarraipena…errealeko mutilek Bartzelonaren aurka galdu bazuten ere, neskek irabazi egin dute gaur goizean eta han izan naiz, partidu bikaina jarraitzen: lehenengo gola gainera dedikatu egin digu Laurak!!! 

Diskurtso luzen honen ondorioa: eguraldi txarrari aurpegi ona jarriz gero, neguan ere badaude planak!! 

Ondo bizi!!!!!!!!! 

Durangoko azokan egingo dudan erosketen artean ez da faltako diska hau. Bide ertzean taldea ezagutzen dut, ez da lehen aldia beraien lan bat entzuten dudala. Hala ere, orain arte irratian entzuten nituen abestietan bukatzen zen dena…aurreko astean ordea, beraien diska berriaz hitz egiten entzun nituen eta…kasualitatea! niri asko interesatzen zaidan gaia tratatzen da, azken aldian buru belarri gai honetan murgildurik ibili naiz: Gerra Zibila.

Azokan aurkituko ditudan eskaintza mordoaren aurrean aukera bat egina dut baina ziur zerbait gehiago ere eroriko dela. Autokontrolaren erabilera zorrotza egin beharko dut, jajaja

Irudi batek askotan hitzek baino askoz gehiago adierazten omen dute. Futbolzaleok, eta zaleak ez direnak, badakigu erreala egoera larrian dagoela. Oraindik ligan ez dute partidurik irabazi eta zorte txarraren errua baino zerbait gehiago da, duda izpirik gabe!

Argazki hauek bidali dizkidate, ez dakit zer pentsatu, suposatzen dut gertaera solte bat izango zela…baina adierazgarriak badira, hori ezin da ukatu.

Ostiralean ikusi nuen Salvador pelikula, gogorra, oso gogorra, errealitate konplexu eta ilun baten ispilu.

Historia benetan gustuko dudan zientzia da, gertaera historikoek gaur egungo gizarte hau hobeto ulertzen laguntzen dutela uste dut baina hain da erlatiboa kontatzen diguten eta ezagutzen dugun historia. Horrelako pelikulek ordea, gertakari historikoak modu osoagoan  ikusten laguntzen dute. Ziur ez dela gertatu zenaren kopia perfektua, baina Salvador Puig sentimendu bizitako pertsona bat izan zela erakusten du, familia on bat zuena eta gizarte hobeago batengatik borrokatzen zuena (nahiz eta hori lortzeko moduekin ados ez egon…)

Pelikulak sentimendu asko sorrarazten ditu ikuslearengan: niri momentu batzuetan haserrea sortu zidan, eta beste batzuetan pena eta samina. Malkoren bat isuri gabe uztea gauza zaila da, nahiz eta hasieratik ikusleak badakien nola amaituko den…

Korapilo bat genuen sabelean zinetik irtetean, merezi al zuen horrelakorik, justifikatu al daitezke ikusitako hainbat eta hainbat jokabide? Gaur egungo gizarteak egin al du aurrerakuntzarik gatazka politikoei dagokienez? Zerbaitetarako balio izan al du hainbeste heriotzak?   

Ze aberatsa den horrelako pelikulak ikustea, memoria historikoaren izenean eta hausnarketa egiteko giltza moduan. 

Urteroko zita izan ohi da urriako lehenengo igandea askorentzat, niri pertsonalki asko gustatzen zaidan festa da kilometrotakoa. Garaian garaikoa, lehen gustatzen zitzaidan eta orain ere bai baina lehen bilatzen nuena ez da orain ongi pasatzeko bilatzen dudana, adina omen da arrazoia…auskalo! Lehen ibilbidea egiteko esan eta denbora galtzea zela zirudien, egun bat parrandarako izan eta ibilbidea egiten!! ze burutan sartzen da hori!

Orain ordea, paseotxo bat emanez eta gune ezberdinak bisitatuz entretenitzen gara. Hala ere, badira zenbait gauza urteak aurrera joanagatik aldatzen ez direnak…bai, bai…kontzertuak!! betagarri non gu han (berri txarrak ez zegoelako bestela ez dago erabaki beharrik ere!), bai lehen eta bai orain! jajaja  
   

Datorren urtian Bergaran, ea bisita egiten dugun hara ere…

Ondo segi danok

Maite 

Zenbat aldiz esan ote dugu: "ba, ya astia aldapa bera dijua, laister astebukaera!". Eta egia da aste osoa helburu bakarrarekin egoten gara askotan, astebukaera iristea, nahiz eta hau azkar baino azkarrago pasatzen den gero…

 Nik beste ikuspegi batekin ikusi nahi dut egun bakoitza orain artekoak ez baitu bizitzako momentu bakoitza aprobetxatzen laguntzen. Astebukaera iritsiko da baina bihar ostirala da eta gauza mordo bat egin ditzaket ostiralean! Egunean egunekoa! ez al da polita!

Uffff…filosofada merke gehiegi ezta? malekoitik buelta bat ematen aritu naiz eguneko tentsioak botatzeko eta paisaia eder horrek kutsatu nau…

 Gran Hermano pixkat bat ikustea tokatzen zait orain horrelako zentzu gabeko gauzak ikustea gustatzen zait, burutik beste dena kentzen laguntzen baitit! Egin proba, jende "xelebre" hori ikustea terapia da…jajajajaj

 Azken Portuko txoko xume eta eder hontatik agurtzen naiz

Hainbeste jendek nire inguruan bere txoko propio eta pertsonala sortu duenez, azkenean ni ere animatu egin naiz. Hotmail-ek eskaintzen duen space delakoarekin moldatzen nintzen orain arte baina…hau egia esan askoz erabilgarriagoa izango delakoan, ongi etorria ematen dizuet bisitari denei, eta bide batez, gune hau interesgarriagoa egiten lagun dezakezuela kontutan hartuz: IDATZI!!

Besterik ez momentuz, kurtso honetako gora beheren berri ematen joango naiz, nire egunkari pertsonal modukoa izango da, espero dut zer idatzia izatea!

Azken Portuko txoko xume eta eder hontatik agurtzen naiz…