Maiteren txokoa

Gizarte honetan hobetzeko zer dagoen…gauza asko…ez dut uste hori dudetan inork jarriko duenik. Hala ere, askotan gure esku ezer gutxi dagoela entzun ohi dut jende askoren ahotan eta hori ez dakit, kontzientzia lasai uzteko teknika bat den edo komodidadeak itsututako pertsonen diskurtsua. Nik guztiok gure hondar alea aportatu dezakegula uste dut…eta oso konbentzituta nago gainera! Hala ere, gizarte osoari hau erakusteko iniziatiba egokia izan daiteke Zarauzko ONG talde ezberdinek elkarlanean antolatu duten Aste Solidarioa. Bigarren urtez, astean zehar, arratsetan, ekitaldi ezberdinak izango dira herrian eta larunbat goizean emango zaio amaiera festatxo moduko batekin. Ni Xiskoko begirale naizen aldetik, gure taldeak zerbait aporta dezakeela garbi daukat, horregatik, haurrekin jolasak egingo genituen galdetu zidatenean, garbi neukan esfortzu txiki hori egingo genuela…eta hantxe izango gara…datorren larunbatean, honetan guztian ondoen egiten dakigun hori egiten, jolas solidarioak.

Urola Kostako Hitzan eta Diario Vascoko herriko atalean badakit programa agertu dela…begirada bat botatzera gonbidatuko nuke irakurle oro.

Kurtsoaren irekiera ofiziala eman dela esateko begiraleon arteko afari bat egitea ezinbestekoa da eta hori ostiralean izan zen. Arkupen izan zen zita, aspaldian han izan gaben nintzen, egia esan, jabe berriak dituenetik ez nuen han ezer afaltzeko aukerarik izan eta inpresio onarekin atera nintzen: kalitate ona eta prezio onean, horrelaxe laburbildu daiteke zerbitzua…

Ondoren poteotxoaren txanda ere iritsi zen eta pixkanaka jendea gutxitzen gindoazela kontutan izanda ere, giroa ederra izan zen (argazkiak izango dira hortik, ni txistua jotzen bai behintzat! ). Nik goiz xamar erretiratu behar izan nuen, larunbat goizean goiz jaiki beharraren ondorioak…baina kontuak kontu…gaua ederki joan zela esan daiteke…

 Orain hurrengoaren zain geratu behar, jajajaj

Egun bakoitza berezia izaten omen da eta urriak 12a ere hala izan zen atzokoan, baina zerk egiten du berezi egun bakoitza? hori norberaren esku geratzen den zerbait dela uste dut nik: atzo Pilarika izanik, amabirjin honen deboto denek gogotsu ospatuko zuten, guardia zibilen jarraitzaileak ere ahuntza ikusi eta malkoren bat isuriko zuten emozionatuta…baina Xiskokideontzat urriak 12ak badu beste esanahi bat, kurtso hasiera, hain zuzen ere (aiarrak ere jakingo dute honezkero honen berri). Atzo ere kurtso hasierako irtenaldia izan zen Xiskon eta azken urteotan bezala Aia bisitatu genuen, hori bai, eguraldia ez zen gehiegi portatu eta oinez joan beharrean autobusez joan ziren.

Laguntzen ari garen begiraleak, lasai lasai arratsaldean joan ginen, bisita egin, giroa ikusi etaaaaaaaa………vernelball-era jolastera! Aiara irteera eta vernelball-a biak eskutik doaz eta hurrengo eguneko besoko abujetak ere urterokoak dira. Egia esan, umeen pare disfrutatzen dut jolas honekin, berezia da!

Martxa hartzeko ordua iritsi da beraz, Xiskok ere bere kurtsoari hasiera eman dio…ea zer moduz doan dena aurtengoan!  

Irailak 1ean lanean kurtso hasierari ekin genion baina Xiskon hasiera hori pixka bat beranduxeago izaten da. Astebukaeran ibili gara ekintza interesgarriak proposatu, ardurak banatu, parre pixka bat egin eta elkarri adarra jo (neurrian e…)…denetik egiteko denbora izan dugu 24 ordutan. Orain gazteei dagokie gogoz apuntatu eta parte hartzea!!

 
Urteroko momentu klabea koordinatzaile berriaren inguruan eztabaidan hasten garenean izaten da. Aurten ere halaxe izan da, kostata baina azkenean Itziarrek iaz utzi zuen kargua berriz ere hartzea erabaki du, ea denen artean urtea modu onenean igarotzen dugun…

 Nik berriz zer esango dut ba…uzten joan beharrean ardurak hartzen hasi naiz berriz ere!  Dena Xiskon hoberako izan dadila!

 Azken Portuko txoko xume eta eder hontatik agurtzen naiz.